Ժան Տեր-Մերկերյան
| Ժան Տեր-Մերկերյան | |
|---|---|
 | |
| Հիմնական տվյալներ | |
| Բնօրինակ անուն | ֆր.՝ Jean Ter-Merguerian |
| Ի ծնե անուն | ֆր.՝ Grégoire Jean Ter-Merguerian[1] |
| Ծնվել է | հոկտեմբերի 5, 1935[1] Մարսել[1] |
| Երկիր |  Ֆրանսիա և  ԽՍՀՄ |
| Մահացել է | սեպտեմբերի 29, 2015[1] (79 տարեկան) 12th arrondissement of Marseille, Մարսել[1] |
| Ժանրեր | դասական երաժշտություն |
| Մասնագիտություն | ջութակահար, ուսուցիչ և երաժշտության ուսուցիչ |
| Գործիքներ | ջութակ |
| Աշխատավայր | Երևանի Կոմիտասի անվան պետական կոնսերվատորիա |
| Կրթություն | Conservatoire à rayonnement régional de Marseille?, Մոսկվայի կոնսերվատորիա և Երևանի միջնակարգ մասնագիտական երաժշտական դպրոց Չայկովսկու անվան |
| Պարգևներ | |
 Jean Ter-Merguerian Վիքիպահեստում | |
Ժան Երվանդի Տեր-Մերկերյան (ֆր.՝ Jean Ter-Merguerian, հոկտեմբերի 5, 1935[1], Մարսել[1] - սեպտեմբերի 29, 2015[1], 12th arrondissement of Marseille, Մարսել[1], թաղված է Երևանում[2]), ֆրանսահայ ջութակահար, ՀԽՍՀ ժողովրդական արտիստ (1971)[3][4]։
Կենսագրություն
[խմբագրել | խմբագրել կոդը]Ժան Տեր-Մերկերյանը ծնվել է Մեծ եղեռնից փրկված և Մարսելում ծնված ծնողների ընտանիքում։ 11 տարեկանում ավարտել է Մարսելի կոնսերվատորիան, որից մեկ տարի անց նույն քաղաքում տվել է իր առաջին մենահամերգը՝ կատարելով Ֆելիքս Մենդելսոնի և Անտոնիո Վիվալդիի ջութակի կոնցերտները նվագախմբի հետ։
1948 թվականին ընտանիքի հետ ներգաղթել է Հայաստան, որտեղ հանդես է եկել Մենդելսոնի և Լալոյի կոնցերտներով։ Ժանի ուսուցիչներն են լինում հայրը՝ Երվանդը, Կարպ Դոմբաևը (Երևանի պետական կոնսերվատորիայում սովորելու տարիներին) և Դավիդ Օյստրախը (Մոսկվայի կոնսերվատորիայի ասպիրանտուրայում սովորելու ժամանակ)։
Պրահայում (1956) և Փարիզում (1961, Մարգերիտ Լոնգի և Ժակ Տիբոյի անվան մրցույթում) Ժանն արժանում է առաջին մրցանակի։ Նրան առաջարկում են մնալ Մոսկվայում, բայց նա վերադառնում է Երևան, սկսեց դասավանդել Կոմիտասի անվան կոնսերվատորիայում (1964-1979) և ելույթներ ունենում Հայաստանի տարբեր շրջաններում, ԽՍՀՄ բազմաթիվ քաղաքներում։
1971 թվականին արժանանում է ժողովրդական արտիստի կոչման։
Դիրիժոր Միքայել Մալունցյանի հետ կատարել է Բախի, Մոցարտի, Բեթհովենի, Սիբելիուսի, Բարտոկի, Շոստակովիչի, Պրոկոֆևի և այլոց կոնցերտները։
1981 թվականին նա վերադառնում է Մարսել, 1982-ից սկսում դասավանդել կոնսերվատորիայում (1984-ից՝ պրոֆեսոր) և հանդես գալիս մենահամերգներով։
Մահացել է 2015 թվականի սեպտեմբերի 29-ին, Մարսելում։ Թաղված է Երևանի քաղաքային պանթեոնում։ Հուղարկավորությունը տեղի է ունեցել 2015 թվականի հոկտեմբերի 19-ին։
Մրցանակներ
[խմբագրել | խմբագրել կոդը]- Սլավիկի և Օնդրժիչեկի անվան մրցույթ (1956, Պրահա, 2-րդ մրցանակ)
- Չայկովսկու անվան մրցույթ (1958, Մոսկվա, 1-ին կարգի դիպլոմ)
- Լոնգի և Տիբոյի անվան մրցույթ (1961, Փարիզ, 1-ին մրցանակ)
- Եղիսաբեթ թագուհու անվան մրցույթ (1963, Բրյուսել, 9-րդ մրցանակ)
- Հայաստանի պետական մրցանակ (1977)
- Պատվո շքանշան, 2015[5]
Ծանոթագրություններ
[խմբագրել | խմբագրել կոդը]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 Fichier des personnes décédées
- ↑ Ժան Տեր-Մերկերյանին կհուղարկավորեն Երևանի քաղաքային պանթեոնում
- ↑ Ժան Տեր-Մերկերյան. «Հայաստանն հրճվանք է ինձ համար»
- ↑ Զավեն Սարգսյան - «Դեմքեր». ջութակահար Ժան Տեր-Մերկերյան
- ↑ Ժ. Ե. ՏԵՐ-ՄԵՐԿԵՐՅԱՆԻՆ ՊԱՏՎՈ ՇՔԱՆՇԱՆՈՎ ՊԱՐԳԵՎԱՏՐԵԼՈՒ ՄԱՍԻՆ
Արտաքին հղումներ
[խմբագրել | խմբագրել կոդը]Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|
- Հոկտեմբերի 5 ծնունդներ
- 1935 ծնունդներ
- Մարսել քաղաքում ծնվածներ
- Սեպտեմբերի 29 մահեր
- 2015 մահեր
- Մարսել քաղաքում մահացածներ
- Երևանի Կոմիտասի անվան պետական կոնսերվատորիայի գիտական անձնակազմ
- Մոսկվայի կոնսերվատորիայի շրջանավարտներ
- ՀԽՍՀ ժողովրդական արտիստներ
- Պատվո շքանշանի ասպետներ (Հայաստան)
- ՀԽՍՀ պետական մրցանակի դափնեկիրներ
- Անձինք այբբենական կարգով
- Երաժիշտներ այբբենական կարգով
- Հայ ջութակահարներ
- Ֆրանսիայից Հայաստան արտագաղթածներ
- Ֆրանսիացիներ հայկական սերմամբ